Aake sambhal mujhe, ek atoot bandhan ke saath.

Lamha aisa ki jo bhoolta nahi kabhi,yaad hai aisi ki jo tadpaati hai,
saath mere tu chalti hai,Banke mera humsaaya,
Teri raah dekh dekh ke , thak gayi meri nazrein,
Aake sambhal mujhe, ek atoot bandhan ke saath...


Bus yahi tamanna hai dil ki, poora usey tu kar de,
mera hamsaaya banke, mere swapan mein rang bhar de,
Gar ek khushi tu de mujhe, jindgi ko tujh par vaar doon..
Aake sambhal mujhe, ek atoot bandhan ke saath...

Kiya vaada tha tune ki, har path par saath hum chalein,
fir kyu aaj akela hoon  main, iss Jivanpath pe..
banke meri jindagi sambhal mujhe, ek atoot bandhan ke saath...

umid ki lau ab tak jinda hai ki tu aayegi,
lekin phir kyon chott huyi mere vishwas pe....
Naa jaane kis mukaam pe lekar mujhe aayi hain rahein...
Yeh bhi koi jindagi hai,Pal pal tere ehsaas ke saath.


Aisa ahsaas hai dil ko mere ki mera rabb rutha mujhse,
Kab tak kayam rahengi mere sarir mein ye saasein,
bs ik choti si khwahish hai...
Aake samne sambhal mujhe, ek atoot bandhan ke saath..


Still going on......Under improvement

Ek din ek aisi zindagi se mulaakaat hui.........

Hazaaron Khwahishein Aisi,
ek din ek aisi zindagi se mulakaat hui......

jisko dekhte hi laga, ki haan ab to mere sapno ke sach hone ki shuruwaat hui,
uske haathon ko chhoote hi aisa laga, ki shayad pehle bhi kahin unse mulaakaat hui.....

mushkil raahon mein chalte-chalte thak gaya tha main,
jab se saath mila unka, tab se harek raah aasaan hui,
ek din ek aisi zindagi se mulakaat hui......

mujhe dekhte hi, unka palkon ko jhukana,
is baat ka ishara tha k mohhabat ki shuruwaat hui...

uske ehsaas ko mehsoos karte karte, naajaane kab din se raat hui,
raaton mein aksar uske khayaalon mein rehna,
aur haskar doston ne poochna ki kuch to baat koi khaas hui???......

uski ek muskurahat k baare mein sochna aur kehna,
haan shayad ab to dilon k milne ki shuruwaat hui,
ek din ek aisi zindagi se mulaakaat hui.........

"Pandit Munish sharma"